BO NADAL
E FELIZ ANINOVO!
Os nosos mellores desexos para tod@s!
Autora da postal: Leire Meilán Rodríguez
Autora do texto: Mencía Álvarez Varela
O pasado xoves, algo se estaba a argallar no cole (pronto o saberedes...), pois, alumnado máis mestres, tivemos que arranxarnos de acorde ás datas que están a chegar.
A nós, mandáronnos ao patio, e mentres agardabamos a que chegara o noso momento, e a mañanciña estaba algo fresca ... pois, aproveitamos o tempo e improvisamos un "photocall de nadal" (iso si, sempre marcando distancias de seguridade).
Deste xeito, entramos en calor e pasamos un anaquiño ben divertido.
Mágoa que nos faltara Iker, porque ese día non pudo vir ao cole 😢 pero estou segura que haberá máis actividades que podamos compartir tod@s xuntos!
Aquí tedes o resultado da nosa espera
E que mellor maneira que rematar na aula deste xeito!
Esta mañá, Alba , sorprendeunos a tod@s co traballo de Naturais que elaborou na casa: construíu un circuito eléctrico que nos presentou na aula.
Amosounos e comentounos como fixo o circuito, a función de cada unha das partes que o compón: o interruptor, o xerador, os fíos condutores e a lámpada,e, comprobamos que realmente funcionaba.
Sen dúbida, un traballo excelente!
Parabéns Alba! 👏👏👏
Velaí a mostra do que vos estou a contar:
Pablo Rodríguez, tamén quixo aportar o seu grao de area a este tema, e, tróuxonos hoxe, outro circuito eléctrico feito por él.
Moitas Grazas Pablo! Moi bo traballo! 👏👏👏
Autor: Pablo Rodríguez
Merecedores de recoñecemento son tamén os circuitos eléctricos que fixeron e nos amosaron Pablo Gallego e Marina Vigo.
Moi bo traballo, Marina máis Pablo! 👏👏👏
(Quen sabe se desta clase sairá algún inxeñeir@! 😉) .
O NADAL
Que fermoso é o Nadal!
Cantigas e risas
veñen a anunciar
que peta na porta
a luz do Nadal.
Que fermoso é o Nadal!
Chegan os pastores
todos no portal
vendo ao neno están
e o boi e a mula calor lle dan.
Que fermoso é o Nadal!
Os Magos de Oriente
veñen rápidamente
contenta ven a xente,
guiados pola estrela relucente.
Que fermoso é o Nadal!
Melchor, Gaspar e Baltasar
agasallos lle van dar
ao neno do pesebre
O NENO XESÚS
Era unha noite moi fría
e o ceo brillaba coas estrelas
o neno estaba no berce
xunto a el María e Xosé
máis a mula e o boi.
o boi dáballe calor
de lonxe viñan os Reis Magos
guiados pola estrela de Belén:
Baltasar, Melchor e Gaspar.
Melchor levaba mirra
Baltasar levaba ouro
Gaspar entregou incenso.
Estaban cansos pero moi contentos,
os pastores tamén levaban agasallos.
Todo o mundo estaba alegre
polo nacemento do neno Xesús
e querían ver o neno entre as pallas
cos cabelos de ouro e os ollos azuis,
O REI DOS XUDEOS
Autor: Pablo Rodríguez Dosío
Déixovos enlaces aos kahoots sobre o relevo e os ríos de Europa para que podades practicar; ben, entre vós, ben individualmente. Non hai que poñer código, só tedes que poñer o voso nome.
Estes kahoots só estarán activos ata o vindeiro luns.
Clickade sobre a imaxe para empezar a practicar ☺
KAHOOT RELEVO DE EUROPA
👇
KAHOOT RÍOS DE EUROPA
👇
Que vos parece se repasamos as dúas formas de enerxía que xa coñecemos? A LUZ E O SON.
Botádelle unha ollada aos videos que vos deixo!
Lembrades a proba de efecto óptico que fixemos na clase?
Ás veces, vemos cousas que non son como realmente cremos velas. Son os chamados EFECTOS ÓPTICOS.
Mirade outros exemplos de efectos ópticos. Verdade que son interesantes?
e, xa por último, repasade o que aprendimos hoxe sobre O SON:
Repasamos CC.Naturais?
Mirade con atención os videos que vos deixo sobre a enerxía.
Que é a enerxía?
Xa hai uns días, celebramos a elección do delegado/a e subdelegado/a da aula.
Formaron a mesa electoral: Iker Álvarez González , que actuou como presidente, e, Mencía Álvarez Varela, que actuou como secretaria (o maior e a máis nova do grupo-clase respectivamente).
Houbo unha listaxe bastante longa de candidatos/as que se presentaron á elección, e, estou ben segura que calquera deles/as o farían moi ben.
O escrutinio estivo moi emocionante; de feito, tivemos que facer unha segunda votación para escoller ao subdelegado/a pois houbo empate entre candidatos.
Co reconto final, coñecimos aos representantes do grupo 6ºB:
Pablo Gallego Fernández: Delegado do grupo 6ºB
Alba Rego Vázquez: Subdelegada do grupo 6ºB
No seguinte enlace podedes consultar a acta da elección:
A INSULTES, A TOQUES, A LASTIMES, A MANQUES, A PEGUES, A AGRIDAS, A MACES, A OBRIGUES, A GOLPEES, A MALTRATES, AO SUICIDO, ÁS MALLEIRAS ... NON NOS MATES!
Recordamos las propiedades de las potencias. Seguid el siguiente video con atención, y, a continuación, pasad a la siguiente actividad (necesitareis papel y boli 😉).
Jugamos con las potencias?
Como falamos esta mañá, déixovos o video sobre o relevo de Europa para que podades repasar un pouquiño. Lembrade que está en castelán! 😉
Coas dúas seguintes actividades poderedes pasar un bo rato consolidando e ampliando o voso coñecemento sobre o relevo europeo. Ánimo! 😀
(Clickade no botón para acceder ao primeiro xogo)
👇
Agora, viaxade polo continente europeo para seguir coñecendo máis datos do seu relevo.
Europa é o continente coñecido como "Vello Mundo" ou "Vello Continente" porque foi o territorio que se coñeceu primeiro por recoñecidas civilizacións que fixeron vida alí.
Europa é o 2º continente máis pequeno do mundo (detrás de Oceanía) e o 3º continente máis poboado despois de Asia e África.
CALES SON OS LÍMITES DE EUROPA?
Seguide con atención o video que vos deixo:
RECORDAMOS!
31 DE OUTUBRO: SAMAÍN
Pantasmas - cabazas - meigas - morcegos - meigallos - falcatruadas - demos - néboa - espíritos - gatos - feitizos...
Celébrase o remate da cosecha como o derradeiro día do ano conforme ao calendario celta, o cual tería lugar a noite do 31 de Outubro.
Esta noite tamén é coñecida como "a noite dos calacús" (cabazas). Cóntase que na noite do 31 de outubro ao 1 de novembro, abríanse as portas do máis alá, e, as almas dos defuntos aproveitaban para visitar o mundo dos vivos. De aquí xurden moitas das lendas galegas, algunhas delas, con bruxas como protagonistas ...
MIRADE A VER SE AS HAI ...!
Lembrades a historia de Sadako Sasaki que vos contei na clase?
Hai unha lenda xaponesa que conta que o teu maior desexo pode facerse realidade se eres quen de construir 1000 grullas de papel.
Para iniciarnos no Origami, e aproveitando que estamos na época do SAMAÍN, imos xuntar o origami, a expresión artística e a celebración dunha das tradicións máis enraizada e enxebre da nosa terra.
Imos comezar por facerlle un pucho a unha meiga!
Os pasos a seguir son os seguintes:
Por se quedansen dúbidas, podemos seguir os pasos no seguinte video:
Apetécevos xogar ao "Boom"? Sabedes como se xoga?
Pensade ben antes de escoller a resposta, porque, se non é a correcta, corredes o risco de que vos estoupe a bomba e teríades que volver a empezar.
Preparados? Imos! ...💣
Déixovos esta actividade para que podades practicar os ríos da nosa península.
En cor vermella: Os ríos da Vertente Cantábrica ( dende Cabo Ortegal ata o golfo de Biscaia)
En cor azul: Os ríos da Vertente Atlántica (dende O Cabo Ortegal ata o Estreito de Xibraltar).
En cor morada: Os ríos da Vertente Mediterránea (dende O Estreito de Xibraltar ata o Cabo de Creus.
Ademáis, clickando no nome de cada vertente, poderedes repasar tamén as características e peculiaridades dos ríos que pertencen á mesma.
Ollo! Os nomes están en castelán 😉
Un lema é unha frase ou consigna que actúa a modo de motor, impulsando as nosas accións cara unha meta ou ideal.
Un lema ben feito e realmente efectivo, vai definir a intención ou conducta dunha persoa, dun grupo, dunha institución, dun país... e isto, é o que queremos que aconteza.
A clase de 6ºB queremos facer saber a nosa intención como grupo. Somos un grupo que compartimos horas de traballo, de colaboración, de compañerismo, e, tamén de normas (sobre todo dadas as circunstancias que estamos a vivir). Por iso, decidimos crear e deseñar un lema propio.
Colaboramos tod@s na elección, e decidimos quedarnos coa frase que Pablo Gallego aportou e co deseño que Leire Meilán fixo para presentar o lema.
Sen dúbida, un claro exemplo dun MOI BO TRABALLO EN EQUIPO! Que gusto dá! 💖
Pois aquí, o noso lema!
"Hai cousas na cor que xurden en min mentres pinto, cousas grandes e intensas."
Vincent Van Gogh
Estes días estivemos a traballar a importancia das cores no nosa vida: as cores das paisaxes cando cambian de estación, as cores á hora de vestirnos, as cores dos espectáculos...
E se de espectáculos estamos a falar, collamos un dos máis importantes: o circo... O CIRCO DO SOL!