DÍA DE ROSALÍA 2023

 

O Día de Rosalía, converteuse nos últimos anos, nunha das datas máis sinaladas do calendario cultural galego. Unha data que ata o de agora, e ante o descoñecemento do día exacto do nacemento da poeta, celebrábase o 24 de febreiro, día en que recibiu o bautismo. Esta efeméride adiántase un día, ao 23 de febreiro, tras a aparición de nova documentación que desvela a súa data real de nacemento.

As flores preferidas de Rosalía eran os pensamentos, e, sen dúbida, ela foi a voz do seu pensamento.

"Eu son libre, nada pode conter a marcha dos meus pensamentos e eles son a lei que rexe o meu destino".

Mural realizado polo alumnado de 5º curso

Afondamos na vida e obra da ilustre escritora.

ENTROIDO 2023

Despois de cumplir durante toda a semana, os "mandados do meco", chegou o ansiado venres de Entroido ao noso cole!

Os corredores enchéronse de lentes escuras, guedellas sen peitear, pantalóns e saias rachadas , e moitas, moitas gañas de festa! Xa ía sendo hora de poder xuntarnos!

Con moita ansia, acudimos ao ANEXA FEST, onde disfrutamos das actuacións de todos os compañeiros do cole, e, tamén os demáis, puideron disfrutar da nosa! (por certo, saíunos xenial!).

Así de ben o pasamos!

Parabéns rapaces, FANTÁSTICO !!!

Tivemos música en directo, baile, lucíu o sol, e,  moito, moito rock!

E quen sabe, ao mellor temos un futuro guitarrista de banda de rock na nosa clase ... 😉

PASADE UN MOI FELIZ ENTROIDO!!

Podedes ver o resto das actuacións na páxina web do cole.

CHARLA SOBRE ACOSO ESCOLAR

Hoxe,  participamos nunha das charlas que a Policía Nacional achega aos colexios, dentro do "Plan Director para a convivencia e mellora da seguridade nos centros educativos e a súa contorna", promovido polo Ministerio de Educación e que conta coa colaboración da Xunta de Galicia. 

O tema tratado foi o "Acoso Escolar"; tema, que nos preocupa tanto na actualidade ,e, que, por todos os medios, queremos eliminar no seu conxunto: dende as víctimas, os observadores,e por suposto, os agresores.

O acoso escolar é unha loita na que todos temos que implicarnos para erradicarla.

FUNDACIÓN BREOGÁN: NINGÚN ARO SEN REDE

 Hoxe, tivemos unha visita moi especial no noso cole. Representantes da Fundación Breogán, achegáronse ata aquí para falarnos dunha iniciativa moi interesante que están a levar a cabo.

Salva Arco (ex-xogador e ex-capitán do CB Breogán), Ana Traseira (Directora da UNED de Lugo), e, o que non podía faltar, Máximus, a mascota do clube, presentáronnos o proxecto "Ningún aro sen rede" que pretende dotar a todos os centros escolares que o desexen, de redes de baloncesto artesanais, recicladas e sostibles.

O noso cole, dende hoxe, conta con dúas destas redes nas canastras do patio. O baloncesto únese deste xeito á reciclaxe, á reutilización, e, por suposto, ao convencimento de poder contribuir a mellorar a nosa sociedade.

Estreamos as redes novas de baloncesto demostrando as nosas dotes como xogadores, e, tamén, tivemos tempo de conseguir algún autógrafo!

Os primeiros en encestar conseguiron premio. 

Parabéns rapaces!!

Agradecemos a visita da Fundación Breogán e comprometémosnos a aportar o noso grao de area nesta tarefa tan importante de coidar da nosa contorna, e, por suposto ... MOITO BASKET!