As Festas do San Froilán, en Lugo, son unhas das celebracións máis emblemáticas da nosa cidade, e, por suposto, un evento moi importante no calendario do turismo galego.
A nosa compañeira, Mara Demanuel Cerezal, é a autora do cartel escollido para anunciar a festividade de San Froilán Miudo, 2023.
O cartel en cuestión, , segundo nos explicou Mara na clase, está feito con acuarelas (unha técnica nada doada, por certo), e nel, podemos observar a combinación tan fermosa de cores, luces, movemento, ledicia, diversión e, como non, a tradición gastronómica destas datas, que tan ben soubo reflexar a nosa artista e que son ingredientes fundamentais das nosas festas patronais.
Sen dúbida, un fermosísimo traballo digno de anunciar as festas máis importantes da nosa cidade.
Gozade deste extraordinario cartel, e por suposto, pasade un moi Feliz San Froilán 2023!