FELICES FESTAS!

O grupo de 6ºB deséxavos 

BO NADAL 

E FELIZ ANINOVO!

Os nosos mellores desexos para tod@s!

                              Autora da postal: Leire Meilán Rodríguez

                        Autora do texto: Mencía Álvarez Varela

PHOTOCALL DO NADAL

O pasado xoves, algo se estaba a argallar no cole (pronto o saberedes...), pois,  alumnado máis mestres, tivemos que arranxarnos de acorde ás datas que están a chegar. 

A nós, mandáronnos ao patio, e mentres  agardabamos a que chegara o noso momento, e a mañanciña estaba algo fresca ... pois, aproveitamos o tempo e improvisamos un "photocall de nadal" (iso si, sempre marcando distancias de seguridade).

Deste xeito, entramos en calor e pasamos un anaquiño ben divertido.

Mágoa que nos faltara Iker, porque ese día non pudo vir ao cole 😢 pero estou segura que haberá máis actividades que podamos compartir tod@s xuntos!

Aquí tedes o resultado da nosa espera

 

 

E que mellor maneira que rematar na aula deste xeito!

Estade atentos ao blog do colexio ... 😉

 

 

CIRCUITOS ELÉCTRICOS

Esta mañá, Alba , sorprendeunos a tod@s co traballo de Naturais que elaborou na casa: construíu un circuito eléctrico que nos presentou na aula. 

Amosounos e comentounos como fixo o circuito, a función de cada unha das partes que o compón: o interruptor, o xerador, os fíos condutores e a lámpada,e, comprobamos que realmente funcionaba. 

Sen dúbida, un traballo excelente! 

Parabéns Alba! 👏👏👏

Velaí a mostra do que vos estou a contar:

Pablo Rodríguez, tamén quixo aportar o seu grao de area a este tema, e, tróuxonos hoxe, outro circuito eléctrico feito por él.

Moitas Grazas Pablo! Moi bo traballo! 👏👏👏

 Autor: Pablo Rodríguez

Merecedores de recoñecemento son tamén os circuitos eléctricos que fixeron e nos amosaron Pablo Gallego e Marina Vigo.  

Moi bo traballo, Marina máis Pablo! 👏👏👏

(Quen sabe se desta clase sairá algún inxeñeir@! 😉) .

Autor: Pablo Gallego

 

Circuito en paralelo e circuito en serie:

Autora: Marina Vigo

RELATOS DE NADAL

Agora podedes ler os vosos relatos de nadal na  revista 

Escritores do Nadal

Disfrutade coa lectura!

ESCRITORES DO NADAL

O NADAL

Que fermoso é o Nadal!

Cantigas e risas

veñen  a anunciar

que peta na porta

a luz do Nadal.

 

Que fermoso é o Nadal!

Chegan os pastores

todos no portal

vendo ao neno están

e o boi e a mula calor lle dan.

 

Que fermoso é o Nadal!

Os Magos de Oriente

veñen rápidamente

contenta ven a xente,

guiados pola estrela relucente.

 

Que fermoso é o Nadal!

Melchor, Gaspar e Baltasar

agasallos lle van dar

ao neno do pesebre

que sempre está alegre.

Autor: Sergio Fernández Arrojo

  

O NENO XESÚS

Era unha noite moi fría

e o ceo brillaba coas estrelas

o neno estaba no berce

xunto a el María e Xosé

máis a mula e o boi.

  

Nesa noite tan fría

o boi dáballe calor

de lonxe viñan os Reis Magos

guiados pola estrela de Belén:

Baltasar, Melchor e Gaspar.

 

Melchor levaba mirra

Baltasar levaba ouro

Gaspar entregou incenso.

Estaban cansos pero moi contentos,

os pastores tamén levaban agasallos.

 

Todo o mundo estaba alegre

polo nacemento do neno Xesús

e querían ver o neno entre as pallas

cos cabelos de ouro e os ollos azuis,

O REI DOS XUDEOS 

                                  Autor: Pablo Rodríguez Dosío

KAHOOTS DE EUROPA

Déixovos enlaces aos kahoots sobre o relevo e os ríos de Europa para que podades practicar; ben, entre vós, ben individualmente. Non hai que poñer código, só tedes que poñer o voso nome.

Estes kahoots só estarán activos ata o vindeiro luns.

Clickade sobre a imaxe para empezar a practicar ☺

KAHOOT RELEVO DE EUROPA

👇

KAHOOT RÍOS DE EUROPA

👇

PONTE DE DECEMBRO

 

 

 

A LUZ E O SON

Que vos parece se repasamos as dúas formas de enerxía que xa coñecemos? A LUZ E O SON.

Botádelle unha ollada aos videos que vos deixo!

Lembrades a proba de efecto óptico que fixemos na clase?

Ás veces, vemos cousas que non son como realmente cremos velas. Son os chamados EFECTOS ÓPTICOS.

Mirade outros exemplos de efectos ópticos. Verdade que son interesantes?

 

e,  xa por último, repasade o que aprendimos hoxe sobre O SON: