Esta semana, lembramos as Comunidades Autónomas de España. Fixesteis moi bo traballo! E para mostra, para que non se esquezan, aquí deixamos os mapas que Marina e Sergio completaron 😃👌.
No seguinte enlace, podedes repasar as Comunidades Autónomas dun xeito moi divertido :
👇
MAPA INTERACTIVO DAS COMUNIDADES
En Lingua Castelá dicimos e escribimos "Extremadura" ,pero, en Lingua Galega, deberemos dicir e escribir "Estremadura".
Estes días na área de Naturais, estivemos a repasar o corpo humano. Lembramos os ósos que forman o noso corpo e a función de cada sistema: dixestivo, respiratorio e circulatorio.
Deixovos, para que visionedes de novo, o video sobre o tema que estivemos a traballar.
Un logo é un símbolo formado por imáxenes ou letras que serve para identificar unha empresa, marca, institución... e as cousas que teñen relación con elas.
Esta semana decatámonos que ao noso blog lle faltaba ese símbolo que o identificase. Así que, puxémonos mans á obra e convocamos na aula un concurso para seleccionar o logotipo do noso blog. Unha vez vistos todos os deseños, procedimos á votación, saíndo escollido por maioría o traballo presentado por Manuel.
Todos os traballos que fixestes, son merecedores de recoñecemento, así que, PARABÉNS A TOD@S!!
Aquí vos deixo todos os vosos deseños por si queredes volver botar unha ollada.
