Visitamos a II Feira de Educación, Formación e Emprego impulsada pola Consellería de Educación, Universidades e Formación Profesional, que se está a celebrar na nosa cidade. Unha visita moi interesante na que puidemos coñecer en primeira man a amplia oferta académica que nun futuro teremos a nosa disposición.
Percorrimos os diferentes postos nos que pasamos por ámbitos moi variados; convertímonos por un intre, en locutor@s de radio, mecánic@s de automoción, científic@s, fotógraf@s, veterinari@s, militares, horticultor@s, cociñeir@s, informátic@s, perruqueir@s, bailaríns/as, fotógraf@s, deseñadores/as, sanitari@s, e moitas máis profesións!
Foi unha mañá moi ben aproveitada na que coñecimos o amplo abano de posibilidades educativas que están ao noso alcance. E se a todo isto, engandimos a boa caminata que fixemos baixo un ceo ben azul, non podemos pedir máis!
