Invitados pola Garda Civil de Lugo, achegámonos ao cuartel para coñecer máis de preto as diferentes actividades que realizan.
Durante a visita, puidemos coñecer de primeira man as súas funcións e responsabilidades, así como, o traballo que a Garda Civil realiza na protección e seguridade da sociedade.
Coñecimos como funcionan nas situacións de emerxencia, de búsqueda e rescate, e a utilización que fan do equipamento especializado.
Rematamos esta visita tan interesante coa demostración dun integrante do Corpo da Garda Civil, especialista en rastreo para atopar persoas, que fixo as nosas ledicias: o can chamado "Thor".
Imaxinádevos vivir nun mundo seguro, no que non se produzan incidentes na casa, na rúa ou nas carreteiras?
Visitamos a Caravana Planeta ODS (Obxectivos de Desenvolvemento Sostible) na que aprendimos un pouquiño máis sobre como previr riscos e fomentar unha mobilidade segura, saudable e sostible.
O Día das Letras Galegas 2025, está protanizado polas "Cantareiras e as cantigas tradicionais galegas.
Segundo a RAG, "CANTAREIRA" é a muller que canta cantigas populares.
Para as representaren foron escollidas Adolfina e
Rosa Casás (Cerceda), EvaCastiñeiras (Muxía), e Prudencia, Asunción
Garrido e Manuela Lema, tres das integrantes das Pandeireteiras de Mens
(Malpica de Bergantiños).
O 23 de abril, é un día simbólico para a literatura mundial, xa que neste día, pero en 1616, finaron tres importantes escritores da literatura universal: Miguel de Cervantes, Garcilaso de la Vega e Shakespeare.
Cervantes, en realidade, morreu o 22, pero foi soterrado o 23, e en canto a Shakespeare, ese 23 de abril, corresponde ao calendario xuliano, vixente aínda na Inglaterra isabelina.
Hai libros que quedan nas nosas lembranzas por sempre, outros chegan incluso ao noso corazón; uns poucos, simplemente pasan de largo, pero todos, axúdannos a liberar emocións: podemos sentir ledicia, tristura, sorpresa, amor, desacougo... , e sobre todo, permítennos explorar, descubrir, viaxar, relaxarnos, descansar, aumentar a curiosidade e o coñecemento, manternos informados... en resumidas contas, axúdannos a medrar como persoas!
Recomendar un libro é moito máis que suxerir unha lectura. É un xeito de compartir!
Este ano, temos a sorte de contar con moitas achegas de recomendacións de libros. Que afortunados somos!
Moitísimas grazas a todos/as vós por colaborar con nós
e adicarnos un anaquiño do voso tempo!!
Que mellor xeito podíamos ter para conmemorar o Día do Libro, 2025!!
