FURGANDO NA HISTORIA

Hoxe, na clase de CC.Sociais, dous compañeiros, Pablo Gallego e Pablo Rodríguez, sorprendéronnos con material sobre o tema que estamos a traballar: A historia do século XX.

Pablo Gallego achegounos un  libro sobre o conflito máis grande e destructivo da historia: A SEGUNDA GUERRA MUNDIAL.

E, aínda que oficialmente, e durante  todo o conflito, a postura de  España na Segunda Guerra Mundial foi de neutralidade e non participou activamente, si houbo presencia de soldados españois en ambos os dous bandos ao longo deste enfrentamento.

Foi  no ano 1936 cando debido á dificil  situación económica,  política e social, no noso país comeza unha sanguenta guerra: A Guerra Civil Española.

Pablo Rodríguez achegounos un libro sobre A Guerra Civil Española.

As consecuencias desta guerra (e de todas as guerras) foron devastadoras: houbo milleiros de mortos e unha grave crise económica da que tardaríamos en recuperarnos.

Reflexo fiel desta época e das dramáticas circunstancias que se viviron é o lenzo de Pablo Picasso "Guernica" , un alegato contra a barbarie e o terror da guerra.

Moitísimas grazas a Pablo.G e a Pablo.R  polo voso interese e as gañas que tedes por achegarnos todo o que ides descubrindo sobre a nosa historia. Todas as vosas colaboracións axúdannos a facer máis doada a nosa aprendizaxe. 👏👏 👏

Adiante  tod@s!!, e... a seguir furgando na historia!!