Hoxe rematamos a nosa viaxe por Europa cunha triple escala: Partimos de Polonia para chegar a Andorra e dende alí, desprazámonos a Francia.
A primeira en chegar, foi a embaixadora de Polonia.
Sabíades que en Polonia se falan , entre outros idiomas máis, o eslovaco, o checo, o ucraniano e o ruso?
Impresionounos cando nos contou que na ciudad polaca de Wielicza, hai minas de sal que teñen unha profundidade de 327 metros e unha lonxitude de 300 Kilómetros. É por iso que recibe o nome de "Catedral subterránea da sal de Polonia".
Aquí tedes toda a información que nos deixou a súa embaixadora.
Dende Polonia partimos cara Andorra. O seu embaixador tróuxonos moitísima información sobre este país. Comentounos que Andorra é un dos países que menos densidade de poboación ten.
Explicounos que aínda que Andorra ten fortes vínculos coa Unión Europea (forma parte do espacio Schengen), aínda non se incorporou á eurozona.
Botade unha ollada ao video que nos presentou o seu embaixador e a toda a información que nos deixou.
E para rematar esta emocionante viaxe, quedamos en Francia, un dos países que acolle a máis de 42 millóns de turistas ao ano.
A súa embaixadora recomendounos moitas cousas: por suposto, visitar a súa capital, Paris, coñecida como a "Cidade da luz" e desfrutar de todas as marabillas que esta capital ofrece.
Sabíades que Marie Curie, física e química que foi pioneira no campo da radiactividade, polaca de nacemento, tiña a nacionalidade francesa?
Non deixedes de admirar todas as marabillas que este país ofrece! Canta información temos!
PARABÉNS RAPACES!
E chegamos ao remate desta viaxe!
Temos un pasaporte bastante completiño co que fomos percorrendo unha parte ben importante de Europa.
Pero, sen dúbida, o máis importante é a bagaxe cultural que fomos adquirindo grazas á colaboración de todos vós. Decatareivos de que con pouquiño que acheguemos cada un de nós, o que recibimos é moi, moi grande.
Foron unhas semanas moi amenas e dinámicas!
Felicitarvos a todos por este proxecto que sacastes adiante!!
PARABÉNS A TODOS!!
