Rematamos!

Outro curso máis cheo de traballo, ilusión, sorrisos e moi boas intencións! 

Toca parar e comezar a gozar do merecido descanso! Moitos  Parabéns a tod@s!! Merecédelo! ❤️ 

Vémonos en setembro!!

Feliz Verán a tod@s!!! 

ARDE LUCUS 2025

Un curso máis, caracterizámonos de romanos e castrexos para desfilar, xunto co resto do alumnado e do profesorado do colexio,   polas rúas da nosa cidade para darlle a benvida á nosa festa máis internacional "ARDE LUCUS 2025".

Parque Infantil de Tráfico

Concienciados coa importancia da seguridade vial, desprazámonos ata o PIT (Parque Infantil de Tráfico) López Mella, onde, da man de expertos pertencentes á DXT, recibimos formación teórica e práctica sobre educación viaria.

Nas intalacións, puidemos utilizar bicicletas e karts para simular diferentes situacións sobre mobilidade e tráfico.

Por suposto,  tivemos tempo de repostar enerxías antes de voltar ao colexio.

TINKERCAD

Coordinados por  Lucía Reseco, alumna da Escola de Formación do Profesorado, levamos a cabo unha actividade super interesante utilizando a plataforma de software gratuita "Tinkercad", baseada no diseño tridimensional.

Ademais de presentarnos esta ferramenta, explicounos e guiounos nos pasos a seguir para conseguir o noso obxectivo: crear unha maqueta da nosa aula. 

Potenciamos a colaboración no traballo en equipo, practicamos a localización espacial,  reforzamos as unidades de medida e o cálculo de escalas... Realmente, foi unha actividade moi, moi completa, onde, todo hai que dicilo, sentímonos moi orgullosos/as do noso traballo tan ben feito.

Moitas grazas, Lucía, por acompañarnos, guiarnos e ensinarnos tantas cousas durante estes días!! 

Estamos segur@s que os teus futuros alumnos van ter moita sorte cunha mestra tan comprometida e traballadora!! Moitos parabéns!!