CONCERTO CANTANDO O ARDE LUCUS

 

Este venres, xuntámonos, na Praza de Santa María, con compañeir@s doutros oito colexios para cantar ao Arde Lucus. A través das catro cancións que interpretamos: "La antigua Roma, Ciudad Patrimonio, La aldea Tonal e Las tres culturas", implicámonos na nosa festa de recreación histórica, e por suposto, participamos nunha actividade na que nos divertimos facendo música e aprendimos o importante que é traballar en equipo (un equipo de 700 rapaces!).

O resultado foi ... XENIAL!!

Agradecemos enormemente a Elena, a profe de música, o seu traballo e implicación  en axudarnos a levar adiante esta actividade tan bonita! Moitas grazas, Elena!! 😍, e por suposto ...

PARABÉNS A TODO O NIVEL DE 5º CURSO!!

E agora, disfrutade dun breve resumo do que foi o día ,no que, o alumnado de 5º curso , cantou ao Arde Lucus!

(a choiva deste día, quedou nunha mera anécdota 😉)

LOS POLÍGONOS

Los polígonos son figuras planas formadas por una línea poligonal cerrada y su interior, cuyos elementos son: 

Recordamos más aspectos sobre los polígonos:

VISITA DO ESCRITOR E ILUSTRADOR ANXO FARIÑA

Hoxe, tivemos a sorte de ter na nosa aula, ao escritor, ilustrador e Director de Arte, Anxo Fariña. Coñecedores da súa última publicación, "Os Megatoxos e o aprendiz de druída", falounos dos seus personaxes: Faísca, Ruxe, Ninfa e Lúa, así como, das técnicas artísticas que utiliza no deseño das súas ilustracións.

Contounos a través das súas ilustracións, a relación de "amizade" que poden ter un lapis, unha goma e un sacapuntas, e cousas tan curiosas de porque sempre leva unha libreta na súa mochila, ou porque é tan aficionado aos reloxos. 

Pero, o momento máis emocionante, sen dúbida algunha, foi cando Anxo Fariña, converteu á nosa Mara en unha "MEGATOXO". Así foi o proceso:

Despedímonos de Anxo cunha grande admiración hacia el e a súa obra, e, non sen que antes de marchar, asinara o exemplar de "Os Megatoxos e o aprendiz de druída" que temos na biblioteca da aula!

Moitas grazas, Anxo Fariña pola túa visita!

HORTO ESCOLAR

Sabíades que temos un horto no noso cole? Pois, si! Temos un horto moi chulo cunha variedade importante de plantas!

O noso cole, participa dende o Departamento de Pedagoxía Terapéutica, no "Proxecto Ecohortas", a través do cal, ademáis de poder adquirir moitos coñecementos sobre agroecoloxía, planificación e deseño da horta, alimentación, e un montón de cousas máis, axúdanos a adquirir importantes habilidades persoais e de grupo.

Hoxe, a profe Lucía, invitounos a achegarnos ao horto. Xunto con Lucía e Tamara (da agrupación "Amigos da Terra"), puidemos recoñecer diferentes plantas e as súas propiedades beneficiosas para a nosa saúde, ulimos própolis, algúns compañeir@s masticaron a rúcula, arrincamos ravos, vimos os primeiros amorodos (mágoa que aínda non se lles poda botar o dente), botamos cinza, regamos a horta ... e, plantamos as lentellas de Mara!

Foi unha visita curta que nos soubo a moi pouco! Moitas grazas Lucía por convidarnos, e... agardamos ansiosamente a túa chamada! 😉

Mirade o ben que nos foi!

EXPERIMENTO: VOLUME E FLOTACIÓN

O volume é o espazo que ocupa un corpo. O LITRO é a medida de volume. 

A flotación é unha propiedade dos corpos que nos indica a capacidade de manterse enriba dun líquido.

Para calcular o volume, precisamos: 

Mirade como calculamos o volume de diferentes corpos, ademáis de recoñecer a propiedade de flotación.

DÍA DO LIBRO 2023

Sabías que o primeiro Día Internacional do Libro que se celebrou foi o 7 de outubro de 1926, pensando que coincidía coa data do nacemento de Miguel de Cervantes? (hoxe mántense o 29 de setembro como data do seu nacemento).

A idea foi do escritor Vicente Clavel Andrés, quen propuxo a idea de establecer un "Día oficial do libro" á Cámara Oficial do Libro de Barcelona, e o día 7 de outubro quedou marcado como a Festa do Libro Español. Aínda así, ao cabo dos anos, empezouse a cuestionar se esta data era realmente o nacemento de Cervantes. E por esta razón (e tamén porque parecía máis práctico facer unha celebración ao aire libre nunha época de máis calor) en 1930, decidiuse mover o Día do Libro ao 23 de abril.

Trátase dun día simbólico para a literatura mundial, xa que ese día, pero en 1616, finaron tres importantes escritores da literatura universal: Miguel de Cervantes, Garcilaso de la Vega e Shakespeare.

Cervantes, en realidade, morreu o 22, pero foi soterrado o 23, e en canto a Shakespeare, ese 23 de abril, corresponde ao calendario xuliano, vixente aínda na Inglaterra isabelina.

Queres coñecer un pouco máis sobre Miguel de Cervantes e o seu "Ingenioso Hidalgo Caballero Don Quijote de la Mancha"? ... Adiante!

Nunha biblioteca podes vivir multitudes de aventuras. Apetéceche dar unha volta por unha biblioteca máxica? 

Non perdas tempo, e axuda a atopar os libros perdidos!

Aurora, irmá de Irene, e, Marta, a nai de Martín e Blanca, quixeron colaborar connosco na semana do libro recomendánnos  lecturas moi emocionantes! ... Que sorte temos! 😍

Moitísimas, moitísimas grazas, Aurora e Marta, pola vosa colaboración!

Estas son as nosas recomendacións de lecturas...

 Nesta semana que adicamos á importancia de ler, e ter sempre como compañeiro un libro, descobrimos, grazas á nosa compañeira Sara,  outro tipo de lectura: o SISTEMA BRAILLE.

O sistema "Braille" é un sistema de lectura táctil que utiliza puntos en relevo para representar letras e números. Os libros en braille, permiten ás persoas con discapacidade visual acceder á informacion escrita de xeito independente e autónoma.

Sara explicounos moi ben o material que se precisa, o xeito de escribir, e, trouxonos a tod@s un agasallo precioso: o noso nome en Braille. 

Moitas grazas, Sara, pola túa colaboración, e por todo o que aprendemos contigo! ☺

Moitas grazas, Sara!

FELIZ DÍA DO LIBRO!

DÍA MUNDIAL DO AUTISMO 2023

O 2 de abril conmemórase o Día Mundial da Concienciación sobre o Autismo, unha data instaurada por Nacións Unidas para visibilizar ás persoas con trastorno do espectro do autismo (TEA) e contribuir a promover o exercicio efectivo dos seus dereitos.

A campaña deste ano ten como lema:

e pon o foco en tres aspectos esenciais:

A variabilidade: non hai dúas persoas con autismo iguais.

A singularidade e especificidade do autismo: reclamando aceptación, tolerancia e respecto.

O sentido de pertenza: as persoas no espectro do autismo demandan cada vez maior autorrepresentación e poder ir ostentando postos de responsabilidade dentro das organizacións que lle representan.

A viaxe de María

Como percibe el mundo una persona con autismo? 

Coñece un pouco máis sobre o TEA

VISITA Á VILA DE MEIRA

O pasado martes, realizamos unha saída á vila de Meira para visitar o nacemento do noso río Miño, e poder coñecer parte da historia tan emocionante desta fermosa terra.

Acompañounos en todo momento, Yoani, encargada da Oficina de Turismo de Meira. Con ela, puidemos descubrir a  interesante lenda da "Meiga Irimia"; explicounos a orixe do Mosteiro da orde Cisterciense que daría paso á Facultade de Filosofía e despois a hospital militar, axudounos a atopar os animais que hai nos ferraxes orixinais das portas da igrexa, e moitísimas cousas máis, que sen dúbida, despertaron a nosa curiosidade.

Agradecémoslle enormemente a súa desinteresada colaboración, e, por suposto, o bo trato recibido en todo momento. Que marabilla poder contar coa súa presenza durante esta visita!

Por suposto, tivemos tempo de lecer! e, xa de volta, paramos na Lagoa de Fonmiñá , onde o Miño aínda é un raparigo e, paseniñamente, converterase no río galego con  maior sabedoría.

Ah, e tamén lucíu o sol toda a mañá! ... 😉