CONSTRUÍMOS UNHA MAN ROBÓTICA

Para coñecer como se moven as nosas mans e achegarnos aos osos que hai no seu interior, estes días construímos na clase, unha man robótica.

Estes son os materiais que utilizamos: 

Cecilia, amosounos o resultado do seu traballo e explicounos o proceso de elaboración, así como, o funcionamento da súa man robótica.

Parabéns, Ceci!!

Ollade o resultado!

A man robótica, imita o deseño dunha man humana. 

Cando dobramos un dedo, un músculo (nós tirando do fío) do noso antebrazo tira dun tendón (o fío) , unha fibra longa e resistente que conecta o músculo co óso (palliñas) e fai que o dedo se dobre pola articulación.

APADRIÑAMENTO LECTOR

 Hoxe recibimos unha moi grata visita na aula de 6ºA!

Varios alumn@s de 2º da ESO, do IES Nosa Señora dos Ollos Grandes, entre eles, antigo alumnado do noso centro, acompañados da súa profesora de Lingua Galega e titora, Ana Rouco, compartiron connosco unha agradable velada na que nos falaron do proxecto de irmandamento que están a desenvolver con outro IES das Pontes de García Rodríguez. 

Animáronnos a ler e deleitáronnos coa lectura do libro no que os Bolechas corren moitas aventuras nesta localidade.

Estivemos encantados coa visita, e, agardamos cos brazos abertos a seguinte .

Moitas grazas,

 Ana, Saul, Lara, Candela, Nerea e Gabriela!

Seguimos a ler ...

SAMAÍN 2023

Xa está aquí o SAMAÍN, a festa de orixe celta, que conta cunha larga tradición e historia en Galicia.

Biosbardos, Meigas chuchonas, Sacauntos, Diaños Bulreiros, Cachanos, Busgosos, Chuchasangues, Papóns, Urcos... e outros máis, son personaxes tradicionais do Samaín que coñecimos estes días.

Non esquecemos que o Samaín, tamén é tempada de apócemas máxicas, e para maxia, a orixe da nosa lingua galega!

Descubramos pois, cal foi a poción empregada para a creación da nosa "LINGUA GUAPA"...

 

E así de ben o pasamos!

Chegaron novos personaxes á clase de 6ºA:

... algúns de ollos vermellos!!!

Para estar máis guap@s, 

tivemos obradoiro de maquillaxe:

A festa, tamén a fixemos na rúa!

Despois de tanto traballar ... 

é hora de repoñer folgos cun bo magosto!

Sen dúbida, unha xornada ben boa e intensa!!

O RELEVO INSULAR

As illas máis importantes do territorio español están en dous arquipélagos: o de Baleares e o de Canarias.

ILLAS BALEARES

Están situadas ao leste da península, no Mar Mediterráneo.

SON 5

 ILLAS CANARIAS

Atópanse ao oeste de África, no Océano Atlántico

Son 7

TEMPO DE COLLEITA

O curso pasado, a nosa Sara levou para casa unhas sementes de millo, que lle dera a profe Lucía, encargada do proxecto Ecohortas , coa intención de plantalas. Hoxe,  sorprendeunos coas mazarocas tan boas que recolleu, froito dalquelas diminutas sementes.

Éche ben certo, aquilo de que "Quen sembra cariño, recolle gratitude".

Parabéns, Sara!!

O RELEVO PENINSULAR

Repasamos o relevo da nosa península. 

Mirade e escoitade con atención o video que vos deixo. Será de axuda para completar o traballo de aula.

¿CUÁL ES EL ORIGEN DE LA LENGUA CASTELLANA?

El español o castellano es una lengua romance procedente del latín hablado. Pertenece al grupo íbero y es originaria de Castilla, reino medieval de la península ibérica. 

El español, como otras lenguas romances, es el resultado de siglos de evolución a partir del latín hablado (denominado latín vulgar) desde el siglo III a.C aproximadamente. 

Seguid con atención el video que os dejo sobre el origen de la lengua Castellana, y,  podréis conocer, además, de donde provienen algunas de las palabras que utilizamos en nuestro día a día.

ORIGEN DE LA LENGUA ESPAÑOLA de Ana Gonzalez

ILUSIÓNS ÓPTICAS

Escoitaches falar de ilusións ópticas?

Son alteracións ocasionadas por algunha actividade ou obxecto, capaces de enganar ao sistema visual das persoas. A imaxe percibida viaxa dos ollos ao cerebro, ocasionando unha percepción equivocada da realidade. O proceso mediante o cal o noso cerebro combina información de percepción de cor, formas, movementos, texturas, lugares, e logra unha interpretación con todos eles, é complexo, e o único que se sabe con certeza é que non ten a capacidade suficiente para manexar toda a información que recibimos a través do que vemos.

É por iso que a mente se ve obrigada a intervir, elixindo a interpretación que pareza máis lóxica.

Vexamos algún exemplo:

Moitos artistas deron ás súas obras aspectos cun toque máxico usando as ilusións ópticas, creando profundidade, contrastes, e ambigüidade levando a quen admira as súas obras aos seus límites sensoriais.

Fíxate na obra "Galatea de las Esferas" de Salvador Dalí:

O artista, nun xogo de ilusións ópticas, reinventa o rostro da súa dona, átomo a átomo, nunha danza gravitatoria en tres dimensións.

Vexamos máis ilusións ópticas! Atent@s!

ILUSIÓNS ÓPTICAS de Ana Gonzalez