REMATAMOS!

Hai unha expresión do latín que di "Prima non datur et ultima dispensatur" que se aplica no ámbito escolar expresando o desexo de que se perdoen a primeira e a derradeira clase do curso. Pois ben, nós, seguindo as tradicións, "dispensamos" as clases de hoxe para poder despedir ben este curso escolar.

Tivemos peli, xogos e música en directo. Non vos podedes imaxinar o ben que cantan os nosos rapaces! 😉

Agora, toca descansar e disfrutar das ben merecidas vacacións de verán!

Moi importante ter en conta as seguintes tarefas:

Un curso máis, superado!!,  Parabéns rapaces!!

MARIÑEIROS POR UN DÍA

 A piques de rematar o curso escolar, partimos cara a mariña lucense para pasar o día convertidos en mariñeiros, e, deste xeito,  participar no proxecto impulsado pola Confraría Santiago Apóstolo de Celeiro: "Mariñeiros por un día".

Ademáis de coñecer como se pesca, que especies se pescan, a importancia de comer peixe,e, por suposto, o coidado do medio mariño, visitamos a lonxa, onde aprendimos entre outras cousas, a diferenciar a pescada de rede da pescada de pincho, un peixe sapo da xuliana, puidemos coñecer como se fai unha poxa, dimos de comer sardiñas ás gaivotas...

Coñecimos o taller do pescador da Confraría de Celeiro, o monumento ao náufrago e moitas cousas máis!  

Non podemos pedir máis, porque por riba de todo o que vos contamos,  tivemos un día de sol ...excepcional!!

Houbo tempo para todo: para aprender, e por suposto,  para pasar un  rato divertido con todos os compañeiros de nivel.

Achegamos o noso agradecemento á Confraría de Celeiro por permitirnos participar nesta experiencia inesquecible!

Así de ben o pasamos!!

XXIII PREMIOS MURALLA

De xeito voluntario, presentáronse á  XXIII edición dos Premios Muralla, organizada polo diario provincial "El Progreso", os nosos compañeiros Martín e Tito na modalidade de "Debuxo Artístico". 

Houbo arredor de  2.700 participantes, pertencentes a medio centenar de centros educativos de Galicia, que quixeron plasmar o seu sentir a través dos seus traballos.

A iniciativa, o interese, a creatividade, a imaxinación , as gañas de querer facer, tiveron o seu recoñecemento para ámbolos dous, que recibiron os seus correspondentes diplomas. 

Parabéns Rapaces!!!

A sorpresa chegou cando nos comunicaron que ademáis, Tito, era finalista no concurso!!

Non podedes imaxinar, a ledicia que sentimos no noso cole... e para que negalo, o orgullo de ter entre nós, non un, senón dous campións !!  ❤

AS COMUNIDADES AUTÓNOMAS DE ESPAÑA

Unha comunidade autónoma é unha zona xeográfica que está dotada de autonomía lexislativa e competencias executivas. Está formada por unha ou varias provincias que se relacionan entre elas por diferentes causas que poden ser xeográficas, históricas ou incluso lingüísticas.

O noso Estado está composto ou dividido en dezasete comunidades autónomas e, a maiores, dúas cidades autónomas: Ceuta e Melilla. 

Pero, onde se sitúa cada unha das comunidades? Seguro que es quen de colocar o nome no seu lugar correspondente. Adiante!

VISITA AO MUSEO PROVINCIAL DE LUGO

Que significa o nome de "Lucus"?,  Por que temos no centro da nosa cidade, un aguia sobre unha columna presidindo a Praza de Santo Domingo?, Que curiosidades ten o noso calendario? ou Cantas veces estivo o personaxe representado nun graffiti, considerado o mellor do mundo, na nosa cidade? ...

Estas, e moitas curiosidades máis, aprendimos na nosa visita ao Museo Provincial de Lugo. 

Ademáis, puidemos observar moi de preto, algunhas das pegadas que o Imperio Romano deixou na nosa cidade: os mosaicos, os reloxos de sol, mostras de cerámica, vidro, moedas, e como non, os torques.

Sen dúbida, foi unha visita moi, moi ben aproveitada, coa que nos quedaron  gañas de seguir coñecendo máis aspectos sobre a orixe da nosa cidade.

XORNADA DE INFORMACIÓN AFECTIVO - SEXUAL

Quérome como son?, Que é o sexo?. Que é o xénero?, Que é a afectividade?, e a intimidade de cadaquén?...

Estas, e outras preguntas máis, foron respostadas e explicadas, na xornada que desenvolvemos no noso colexio, de man de Rocío Martín e Mª Luz Valín, enfermeiras pediátricas.

Falar de sexualidade, é falar de autoestima, de afectos, de igualdade de homes e mulleres, de respecto ás diferentes orientacións sexuais,e, tamén de prevención de enfermidades.

A educación afectivo - sexual ten un papel esencial no proceso de desenvolvemento das persoas.

19 DE MARZO DE 1812: ¡VIVA LA PEPA!

Con casi toda a península ocupada por Napoleón Bonaparte e baixo as bombas dos franceses, un 19 de marzo (día de San Xosé), pero de 1812, aprobouse en Cádiz a primeira constitución española (e terceira do mundo tras a de EEUU e Francia). 

 

Eran ventos de cambio, destinados a cambiar o rumbo da historia de España. 

 

Este óleo de Salvador Viniegra, pintado en 1912, recrea o intre no que as Cortes de Cádiz promulgan a Constitución de 1812.

‘Promulgación de la Constitución de 1812’

Museo Histórico Municipal , Cádiz.

 

XORNADA DE PREVENCIÓN DE INCENDIOS

Da man de xente especializada de Protección Civil e do corpo de Bombeiros do noso concello, asistimos a unha xornada moi interesante de prevención de incendios.

Coñecimos algúns dos materiais empregados en situacións extremas, recompilamos recomendacións e consellos para evitar situacións perigosas, aprendimos que debemos facer e que non no caso de incendio na casa, e, ata vimos en directo, simulacións de situacións con lume que poden xurdir no en calquera intre no noso fogar.

Ante todo isto, quedámonos coa mensaxe que tanto nos repetiron esta mañá: